भोजपुर दिङ्लाका पाँचजनामा कोरोना संक्रमण
<p>काठमाडौं। भोजपुरमा भारतबाट आएर 'होल्डिङ एरिया' मा बसेका पाँचजनामा कोरोना संक्रमण पुष्‍टि भएको छ।</p>
<p>भारतबाट सुनौली नाका हुँदै १३ जेठमा आइपुगेका उनीहरूलाई अरुण गाउँपालिकाको जरायोटारमा बनाइएको होल्डङ एरियामा राखिएको थियो।</p>
<p>भोजपुरका प्रमुख जिल्ला अधिकारी वसन्तराज पुरीका अनुसार कोभिड-१९ पुष्‍टि भएका सबैजना षडानन्द नगरपालिका दिङ्लाका छन्।</p>
<p>'होल्डिङ सेन्टर' मा बसेका ४० जनाको कोरोना परीक्षण गर्न थ्रोट स्वाब नमूना संकलन गरी पठाइएको थियो।</p>
<p>संक्रमण पुष्‍टि भएकाहरू १७, १९, २९, ३०, ३२ वर्षका पुरुषहरू रहेका भोजपुरका प्रहरी प्रमुख डीएसपी नरबहादुर सलामी मगरले जानकारी दिएका छन्।</p>
<p>यसअघि भोजपुरको हतुवागढी गाउँपालिका होम्ताङमा एकजनामा कोरोना संक्रमण पुष्‍टि भएको थियो।</p>
<p>आज पाँचजना संक्रमित फेला परेसँगै जिल्लामा कूल संक्रमित ६ जना पुगेका छन्।</p>
प्रतिक्रिया दिनुहोस्
.jpg)
