कोभिड-१९को २ अर्ब डोज खोप आपूर्ति गर्न तयारः बेलायती कम्पनी
<p>लन्डन। बेलायतको औषधि उत्पादक एस्ट्रा जेनेकाले कोभिड-१९ विरुद्धको दुई अर्ब डोज खोप आपूर्ति गर्न सक्ने क्षमता विस्तार भएको दाबी गरेको छ।</p>
<p>माइक्रोसफ्टका संस्थापक तथा अमेरिकी व्यवसायी बिल गेट्ससँग र अर्को एक सम्झौतामा हस्ताक्षर गरिएपछि खोप तयार गर्ने क्षमता विस्तार भएको कम्पनीको भनाइ छ।</p>
<p>गत महीना सोही कम्पनीले एक अर्ब डोज औषधि उपलब्ध गराउन सकिने बताएको थियो। अक्स्फोर्ड विश्वविद्यालयका वैज्ञानिकहरूले तयार पार्ने खोप उत्पादनको तयारीमा रहेको कम्पनीको भनाइ छ।</p>
<p>बीबीसीका अनुसार आफूले उत्पादन गर्ने खोप कमजोर र मध्यम आय भएका मुलुकमा आपूर्तिको व्यवस्था मिलाइने कम्पनीले बताएको छ।</p>
<p>उक्त कम्पनीको एक नयाँ साझेदार हो, सेरम इन्स्टिच्युट अफ इन्डिया। उक्त कम्पनी परिमाणका आधारमा संसारकै ठूलो खोप उत्पादक हो। एस्ट्रा जेनेकाका अन्य दुई साझेदार कम्पनीलाई बिल र मेलिन्डा गेट्सको साथ छ।</p>
प्रतिक्रिया दिनुहोस्
.jpg)
