कोरोना पुष्टि भएको १७ घण्टापछि मात्र अस्पताल भर्ना
<p>कैलाली। कोरोना भाइरसको संक्रमण पुष्टि भएको करिब १७ घण्टापछि मात्र एक महिला र एक पुरुषलाई अस्पताल भर्ना गरिएको छ।</p>
<p>धनगढी उपमहानगरपालिका १४ का २२ वर्षीय युवती र २६ वर्षीय युवकलाई सेती प्रादेशिक अस्पतालअन्तर्गतको कोरोना अस्थायी अस्पताल ल्याइएको हो।</p>
<p>कोरोना भाइरसको संक्रमण पुष्टि भएको १७ घण्टासम्म उनीहरू परिवारसँगै क्‍वारेन्टाइनको एउटै कोठामा बस्‍न बाध्य थिए। क्‍वारेन्टाइनमा भारतबाट आएका अरू व्यक्तिहरूलाई पनि राखिएको छ।</p>
<p>कोरोना अस्थायी अस्पतालका डाक्टर शेरबहादुर कमरले दुवैजनाको उपचार शुरु भएको जानकारी दिए।</p>
<p>दुवै संक्रमित १४ दिनअघि भारतको दिल्लीबाट एउटै गाडीमा त्रिनगर नाका हुँदै स्वदेश आएका थिए। र, धनगढी उपमहानगरपालिका फूलबारीको पञ्‍चोदय माविको क्‍वारेन्टाइनमा परिवारसहित बस्दै आएका थिए।</p>
प्रतिक्रिया दिनुहोस्
.jpg)
