अन्तर्राष्ट्रिय पुम्सेमा नेपाली खेलाडीलाई स्वर्ण पदक
<p>कैलाली। नेपाल पुलिस क्लबका तेक्‍वान्दो प्रशिक्षक लक्ष्‍मणबहादुर ऐरले भर्चुअल अन्तर्राष्‍ट्रिय तेक्‍वान्दो पुम्से च्याम्पियनसिपमा स्वर्ण पदक जितेका छन्।</p>
<p>यूएस वेस्ट कोस्ट तेक्‍वान्दो संघ, पोर्टल्यान्ड, अमेरिकाको तत्वावधान तथा पान अमेरिकन तेक्‍वान्दो युनियन, पोर्टल्यान्डको आयोजनामा गए राति शुरु भएको च्याम्पियनसिपमा लक्ष्‍मणले ५० वर्षमूनिको समूहमा पहिलो स्थान प्राप्त गर्दै स्वर्ण पदक जितेका हुन्।</p>
<p>उनले ६ दशमलव ७३ स्कोर गरेका थिए। यो च्याम्पियनसिपमा 'जुम' मार्फत प्रत्यक्ष पुम्से प्रदर्शन गरिएको ऎरले जानकारी दिए। </p>
<p>घरमा भएको बैठक कोठा खाली गरेर पुम्सेका लागि ठाउँ बनाएका लक्ष्‍मण प्रतिस्पर्धामा पहिलो भएकोमा निकै खुशी छन्। उनले पुम्सेका लागि आफूले गरेको मिहिनेतले सफलता मिलेको बताए। </p>
<p>उनले यो सफलतामा आफूले तेक्‍वान्दो शुरु गरेको धनगढी तेक्‍वान्दो डोजाङ र गुरु गोविन्द बिष्‍टको प्रेरणा रहेको बताए।</p>
<p>अघिल्लो महीना भएको अनलाइन पुम्से युरोपियन च्याम्पियनसिप र विश्‍व च्याम्पियन्सिपमा भने ऎर पदकविहिन भएका थिए। त्यस्तै ४० वर्षमूनीमा पोखराकी रेशमाया गुरुङले कास्य पदक जितेकी छन्।</p>
<p>सो च्याम्पियनसिपमा नेपालका अशोक खड्काले निर्णायकको भूमिका निर्वाह गरिरहेका छन्। कोरोना भाइरस कोभिड-१९ का कारण पछिल्लो समय अनलाइन पुम्से प्रतियोगिता हुँदै आएको छ।</p>
प्रतिक्रिया दिनुहोस्
.jpg)
