जुम्लामा क्वारेन्टाइनमा रहेका पुरुषको मृत्यु
<p>काठमाडौं। जुम्लाको चन्दननाथ नगरपालिका-८ स्थित क्‍वारेन्टाइनमा बसेका एक वृद्धको मृत्यु भएको छ।</p>
<p>धुपी ढुस्का माध्यमिक विद्यालयमा क्‍वारेन्टाइनमा रहेका ६५ वर्षीय व्यक्तिको मृत्यु भएको जिल्ला प्रहरी कार्यालय जुम्लाका डीएसपी लालबहादुर धामीले जानकारी दिए।</p>
<p>मृतक २१ जेठमा नेपालगञ्‍जबाट जुम्ला पुगेका थिए। बाहिरबाट आएकाले उनलाई सोही दिन नजिकैको क्‍वारेन्टाइनमा राखिएको थियो। उनको मृत्युको कारण खुलेको छैन। <br />
मृतक मुटु र दमको बिरामी भएको खुलेको छ। उनले नियमित औषधि सेवन गर्दै आएका थिए।</p>
<p>धामीका अनुसार मृतक व्यक्तिको थ्रोट स्वाबको नमुना संकलनका लागि कर्णाली स्वास्थ्य विज्ञान प्रतिष्ठानबाट स्वास्थ्यकर्मीको टोली त्यसतर्फ गइरहेको छ।</p>
प्रतिक्रिया दिनुहोस्
.jpg)
