संक्रमणमुक्त युवक भन्छन्- ‘उच्च मनोबल र सरसफाइबाट कोरोनालाई जित्न सकिन्छ’
<p>खोटाङ। हलेसी तुवाचुङ नगरपालिका-७ महादेवस्थानका २० वर्षीय गिपेन्द्र राई कोरोना भाइरसको संक्रमणबाट मुक्त भएर घर फर्केका छन्।</p>
<p>६ जेठमा पीसीआर परीक्षणबाट उनमा कोरोना भाइरसको संक्रमण पुष्टि भएको थियो। कोभिड अस्पताल विराटनगरमा भर्ना भएका उनी १४ दिनपछि हिजो घर फर्किए।</p>
<p>उनले आगामी १४ दिन क्‍वारेन्टाइनमा बिताउनुपर्नेछ।</p>
<p>दुई-तीन दिनबाहेक औषधि सेवन नगरी आफू निको भएको राईले बताए। काठमाडौंबाट १२-१३ वैशाखमा नगरपालिकाले उनीसहित १३ सय १८ जनालाई गाउँ ल्याएको थियो। तीमध्ये ३४ जनाको स्वाब संकलत गरेर पीसीआर परीक्षणका लागि पठाइएको थियो।</p>
<p>राईलाई सामान्य रुघाखोकी लागेको थियो। त्यसबाहेक अरू कुनै लक्षण थिएनन्। “संक्रमण देखियो भनेर आत्तिनुभन्दा उच्च मानोबलका साथ खानपान, शारीरिक व्यायाम र सरसफाइमा ध्यान दिए कोरोनालाई जित्‍न सकिन्छ,” उनी भन्छन्। <em><strong>रासस</strong></em></p>
प्रतिक्रिया दिनुहोस्
.jpg)
