कोभिड-१९: बढ्दैछन् दक्षिण अफ्रिकामा संक्रमित
<p>जोहानेसबर्ग। कोरोना भाइरसको प्रसार रोक्न शुरुमा सफलता पाएको दक्षिण अफ्रिकाको अवस्था विस्तारै बिग्रिँदै गएको छ।</p>
<p>दक्षिण अफ्रिकामा ३७ हजार पाँच सय २५ जनामा संक्रमण देखिएको छ भने सात सय ९२ जनाले ज्यान गुमाएका छन्।</p>
<p>जोहानेसबर्गस्थित बीबीसी संवाददाताका अनुसार आगामी सातामा शहरका सबै अस्पताल कोभिड-१९ का बिरामीले भरिने चेतावनी चिकित्सकहरूले दिएका छन्। अहिले सबै आईसीयू शय्या भरिइसकेका छन्।</p>
<p>अफ्रिका महादेशमा दक्षिण अफ्रिका सबैभन्दा विकसित मुलुक मानिन्छ। त्यहीं अवस्था खराब हुँदै जानुले पूरै महादेशको अवस्था आकलन गर्न सकिने कोरोना भाइरसका एक विज्ञ प्राध्यापक सबिर माधी बताउँछन्।</p>
<p>यसैबीच, दक्षिण अमेरिकी मुलुक पेरुमा संक्रमित संख्या उकालो लागेको छ। हालसम्म एक लाख ८३ हजारमा संक्रमण देखिएको छ।</p>
<p>ब्राजिलपछि कोरोना भाइरसको मार खेप्‍ने दोस्रो दक्षिण अमेरिकी मुलुक हो, जहाँ हालसम्म पाँच हजारभन्दा बढीले ज्यान गुमाइसकेका छन्।</p>
प्रतिक्रिया दिनुहोस्
.jpg)
