प्रदेश सभामा खटिएका पाँच सुरक्षाकर्मीलाई कोरोना संक्रमण
<p style="text-align: justify;">काठमाडौं। प्रदेश २ को प्रदेश सभाको सुरक्षामा खटिएका पाँच जना प्रहरीमा कोरोना संक्रमण पुष्टि भएको छ।</p>
<p style="text-align: justify;">राष्ट्रिय जनस्वास्थ्य प्रयोगशाला टेकुमा गरिएको नमूना परीक्षणमा उनीहरूमा आज संक्रमण पुष्टि भएको प्रदेश २ का डीआईजी धिरजप्रताप सिंहले <em><strong>देखापढी</strong></em>लाई बताए।</p>
<p style="text-align: justify;">उनीहरू प्रदेश सभाको मर्यादापालक हुन्। प्रदेश सभा सञ्चालन हुनु भन्दा एक महीना अघि उनीहरू अन्यत्र डिउटीमा नै खटिएका थिए।</p>
<p style="text-align: justify;">“केहीदिन अघि सांसद, कर्मचारीसहित सुरक्षाकर्मीहरूकोसमेत परीक्षणका लागि नमूना संकलन गरिएको थियो”, डीआईजी सिंहले भने, “आज संक्रमण पुष्टि भएको हो।”</p>
<p style="text-align: justify;">प्रदेशसभाको चौंथो अधिवेशन हिजोदेखि प्रारम्भ भएको छ।</p>
<p style="text-align: justify;">त्यसअघि सांसद, कर्मचारी र सुरक्षाकर्मीको नमूना संकलन गरिएको थियो।</p>
<p style="text-align: justify;">संक्रमित पाँचैजनाको स्वास्थ्य अवस्था भने सामान्य रहेको प्रहरीले जनाएको छ। उनीहरूलाई जनकपुर अस्पतालको आइसोलेसनमा राखिएको छ।</p>
<p style="text-align: justify;">मर्यादापालकमा संक्रमण पुष्टि भएपछि आज दिउँसो ३ बजेको बैठक स्थगित गरिएको थियो।</p>
<p style="text-align: justify;">स्यानिटाइज गरेर भोलि दिउँसो १ बजे मात्रै अर्काे बैठक बस्ने प्रदेश सभा सचिवालयले जनाएको छ।</p>
.jpg)
