आरोप खण्डन गर्दै चीनले भन्यो- कोरोनाबारे डब्लूएचओलाई जानकारी दिन ढिलो गरिएको थिएन
<p>बेइजिङ। चिनियाँ विदेश मन्त्रालयले विदेशी आरोपको खण्डन गर्दै कोरोना भाइरसको संक्रमणबारे विश्‍व स्वास्थ्य संगठन (डब्लूएचओ)लाई जानकारी दिन ढिलो नगरिएको स्पष्‍ट गरेको छ।</p>
<p>अमेरिकालगायत मुलुकले लगाउँदै आएको आरोप तथ्यभन्दा धेरै टाढा रहेको चिनियाँ विदेश मन्त्रालयले प्रकाशित गरेको विज्ञप्तिमा उल्लेख छ। </p>
<p>समाचार एजेन्सी एसोसिएट प्रेसले प्रकाशित गरेको एक रिपोर्टलगत्तै चिनियाँ विदेश मन्त्रालयको प्रतिक्रिया आएको हो। उक्त रिपोर्टमा चीनबाट समयमै पर्याप्त जानकारी पाउन नसक्दा डब्लुएचओका अधिकारीहरू हैरान रहेको दाबी गरिएको थियो।</p>
<p>“डब्लूएचओले यसकारण चीनको समर्थन गरिरहेको छ, जसबाट बढीभन्दा बढी जानकारी हासिल गर्न सकियोस्,” रिपोर्टमा लेखिएको छ।</p>
<p>चिनियाँ विदेश मन्त्रालयले भने चीनले कोरोना भाइरसविरुद्ध जे काम गरेको छ, त्यो विश्‍वसामु छर्लंग रहेको बताएको छ। “र, यो हरेक जाँचमा पुष्‍टि हुनेछ,” विज्ञप्तिमा भनिएको छ।</p>
प्रतिक्रिया दिनुहोस्
.jpg)
