स्वाब संकलनमा खटिएका स्वास्थ्यकर्मीमा कोरोना पुष्टि
<p>संक्रमित स्वास्थ्यकर्मी भारतबाट नेपाल आउने मानिसको स्वास्थ्य परीक्षणलगायत काममा केही समय खटिएका थिए। त्यहींबाट उनमा संक्रमण भएको शंका गरिएको छ। </p>
<p>काठमाडौं। कञ्‍चनपुरको पुनर्वास नगरपालिकाअन्तर्गतको स्वास्थ्य कार्यालयका एक स्वास्थ्यकर्मीमा कोरोना संक्रमण पुष्‍टि भएको छ।</p>
<p>स्वास्थ्य कार्यालयका ल्याब कर्मचारीमा संक्रमण पुष्‍टि भएको हो। २० जेठमा आएको नमूना परीक्षणको रिपोर्टमा पुरुष स्वास्थ्यकर्मीमा संक्रमण देखिएको सेती प्रादेशिक अस्पताल धनगढीका प्रवक्ता डा. दिलिपकुमार श्रेष्‍ठले जानकारी दिए।</p>
<p>उनको अहिले सेती प्रादेशिक अस्पतालकै आइसोलेसन कक्षमा उपचार भइरहेको छ। प्रवक्ता श्रेष्‍ठका अनुसार संक्रमित स्वास्थ्यकर्मीको स्वास्थ्य अवस्था सामान्य छ र कुनै लक्षण देखिएको छैन। </p>
<p>संक्रमित स्वास्थ्यकर्मी भारतबाट नेपाल आउने मानिसको स्वास्थ्य परीक्षणलगायत काममा केही समय खटिएका थिए। त्यहींबाट उनमा संक्रमण भएको शंका गरिएको छ। अहिले उनको कन्ट्याक्ट ट्रेसिङको काम भइरहेको स्वास्थ्य कार्यालयले जनाएको छ।</p>
<p>एम्बुलेन्सले बोक्न अस्वीकार गरेपछि उनी आफैं मोटरसाइकल चलाएर अस्पताल आएका थिए ।</p>
प्रतिक्रिया दिनुहोस्
.jpg)
