उत्तर कोरियामा प्राथमिक तहका विद्यालय खुला
<p>प्योङयाङ। उत्तर कोरियाले प्राथमिक तहका विद्यालय खुला गरेको छ।</p>
<p>उत्तर कोरियामा अप्रिलदेखि शैक्षिक सत्र शुरु हुन्छ। यस वर्ष भने कोभिड-१९ को महामारीका कारण शैक्षिक सत्र पछाडि धकेलिएको छ।</p>
<p>छिमेकी मुलुक चीनमा कोरोना भाइरसको संक्रमण शुरु हुनासाथ उत्तर कोरियाले आफ्ना सबै अन्तर्राष्‍ट्रिय सीमा सिल गरेको थियो। र, विदेशीलाई आफ्नो भूमिमा प्रवेश निषेध गरेको थियो।</p>
<p>उत्तर कोरियाले संसारमै पहिलो लकडाउन लागू गरेको थियो। उत्तर कोरियाली सरकारले हालसम्म एउटा पनि कोरोना भाइरसको संक्रमण पुष्‍टि गरेको छैन।</p>
<p>विशेषज्ञहरूले उत्तर कोरियाको दाबीमाथि प्रश्‍न गर्दै आएका छन्। तर, कोरोना भाइरसको संक्रमण फैलियो भने उत्तर कोरियाको कमजोर स्वास्थ्य प्रणालीले थेग्‍नै नसक्ने भनाइ पनि विज्ञहरूको छ।</p>
प्रतिक्रिया दिनुहोस्
.jpg)
