अमेरिकाले रोक्यो चीनबाट हुने यात्री उडान
<p>वासिङ्टन। दुई मुलुकबीच बढ्दो तनावका बीच अमेरिकाले चीनबाट हुने यात्री उडान रोक्ने निर्णय गरेको छ।</p>
<p>बीबीसीका अनुसार उक्त निर्णय १६ जुनदेखि लागू हुने अमेरिकाको यातायात विभागले बताएको छ।</p>
<p>चीनले अमेरिकाका उडान आफ्नो आकाशमा प्रवेश गर्न नदिने भएपछि पछिल्लो निर्णय लिइएको अमेरिकी यातायात विभागको भनाइ छ।</p>
<p>चीनमा कोरोना भाइरसको संक्रमण घट्दो क्रममा छ भने अमेरिका यतिबेला संसारकै सबैभन्दा बढी प्रभावित मुलुक बनेको छ।</p>
<p>कोभिड-१९ को महामारी र हङकङको प्रदर्शनलाई लिएर दुई मुलुकबीचको सम्बन्ध निरन्तर चिसिँदो छ।</p>
<p>अमेरिकी यातायात विभागको आदेश चीनका चारवटा एअरलाइन्सका हकमा लागू हुने छ- एअर चाइना, चाइना इस्टर्न एअरलाइन्स, हाइनान एअरलाइन्स र चाइना साउदर्न एअरलाइन्स।</p>
<p>चारवटै एअरलाइन्सले महामारीका बावजुद पनि अमेरिकामा उडान गरिरहेका थिए। चीनले गत मार्चमै अमेरिकी एअरलाइन्सका सबै उडानमा प्रतिबन्ध लगाएको थियो।</p>
प्रतिक्रिया दिनुहोस्
.jpg)
