गण्डकी प्रदेशमा थपिए १६ जना नयाँ संक्रमित
<p>काठमाडौं। गण्डकी प्रदेशमा थप १६ जनामा कोरोना भाइरसको संक्रमण पुष्‍टि भएको छ। पोखरा स्वास्थ्य विज्ञान प्रतिष्‍ठानमा गरिएको नमूना परीक्षणमा १६ जनामा संक्रमण पुष्‍टि भएको गण्डकी प्रदेश स्वास्थ्य निर्देशनालयले जनाएको छ। </p>
<p>निर्देशक डा. विनोद विन्दु शर्माका अनुसार बाग्लुङमा १०, स्याङ्जामा १, म्याग्दीमा १ र पर्वतमा ४ जनामा कोरोना भाइरसको संक्रमण देखिएको हो।</p>
<p>बाग्लुङको निसीखोला गाउँपालिकाका २२ र २९ का २ पुरुष र वर्ष ३३ का १ महिला, बडीगाड गाउँपालिकाका १६, २०, २१ र २५ का ४ पुरुष र गल्कोट नगरपालिकाका २०, २२ र २३ का ३ जना पुरुष छन्।</p>
<p>यस्तै, स्याङ्जाको कालीगण्डकी गाउँपालिकाका १८ वर्षका पुरुष, पर्वत फलेबास नगरपालिकाका २१ वर्षका २ पुरुष र बिहादी गाउँपालिकाका २४ र २८ का २ पुरुषमा समेत संक्रमणको पुष्‍टि भएको छ। </p>
<p>म्याग्दीको मंगला गाउँपालिकाका १९ वर्षका १ पुरुषमा पनि संक्रमण पुष्‍टि भएको छ। संक्रमण पुष्‍टि भएका सबैलाई जिल्ला अस्पतालको आइसोलेसनमा लैजाने तयारी भइरहेको छ। योसहित गण्डकी प्रदेशमा कोरोना संक्रमितको संख्या ५४ पुगेको निर्देशनालयले जनाएको छ।</p>
प्रतिक्रिया दिनुहोस्
.jpg)
