म्यानचेस्टर सिटीका पूर्वरक्षक नेडम ओनुओहा भन्छन्- 'अमेरिका बस्न असुरक्षित'
<p>काठमाडौं। म्यानचेस्टर सिटीका पूर्वरक्षक नेडम ओनुओहाले अमेरिका बस्‍न आफूले पूर्ण सुरक्षित महशुस नगरेको बताएका छन्। </p>
<p>ओनुओहा अहिले मेजर लिग सकरको रियल साल्ट लेकबाट खेल्छन्। ६ वर्ष इङ्लिस क्लब क्युपीआरमा बिताएपछि उनी अमेरिका गएका थिए। </p>
<p>‘‘व्यवहार र शक्तिमा भएका मान्छेहरूले कसरी हेर्छन् भनेर धेरै सतर्क छु,’’ ३३ वर्षे ओनुओहाले भने, ‘‘व्यक्तिगत रूपमा मलाई कस्तो छ, त्यो आफ्नै ठाँउमा छ तर प्रहरीप्रति मेरो विश्‍वास गुमेको छ र मलाई डर लाग्छ।’’</p>
<p>निशस्त्र अश्‍वेत अमेरिकी नागरिक जर्ज फ्लोयडको प्रहरीको अत्यधिक बल प्रयोगका कारण निधन भएको थियो। त्यसपछि भड्किएको हिंसा अहिले अमेरिकाका ७५ वटा शहरमा फैलिएको छ। </p>
<p>मिनियापोलिसका प्रहरी अधिकारी डेरेक चौविनलाई गिरफ्तार गरी हत्या गरेको अभियोगमा मुद्दा चलाइएको छ। चौविन र थप तीनजना प्रहरीलाई यही घटनाका कारण सेवाबाट बर्खास्त गरिएको छ।</p>
प्रतिक्रिया दिनुहोस्
.jpg)
