भारतमा कोरोना संक्रमित दुई लाख नाघे
<p>नयाँदिल्ली। भारतमा कोभिड-१९ का बिरामी दुई लाख नाघेका छन्।</p>
<p>केन्द्रीय स्वास्थ्य मन्त्रालयका अनुसार पछिल्लो २४ घण्टामा आठ हजार नौ सय नौ जना नयाँ संक्रमित थपिएका छन्।</p>
<p>त्यससँगै भारतमा संक्रमित संख्या दुई लाख सात हजार ६ सय १५ पुगेको छ।</p>
<p>अमेरिका, ब्राजिल, बेलायतसहित कोभिड-१९ बाट सबैभन्दा बढी प्रभावित छैटौं मुलुक बनेको छ, भारत।</p>
<p>तै पनि भारत संक्रमणको सबैभन्दा खराब अवस्थाबाट धेरै टाढा रहेको इन्डियन काउन्सिल अफ मेडिकल रिसर्चकी डा. निवेदिता गुप्ताले समाचार एजेन्सी रोयटर्ससँग बताइन्।</p>
<p>जुन अन्तिमदेखि जुलाई पहिलो सातादेखि संक्रमित घट्दै जाने अपेक्षा सरकारी अधिकारीहरूमा देखिन्छ। कोभिड-१९ बाट भारतमा हालसम्म पाँच हजार आठ सय १५ जनाको मृत्यु भइसकेको छ।</p>
प्रतिक्रिया दिनुहोस्
.jpg)
