कोरोना सर्ने भन्दै स्वास्थ्यकर्मीमाथि कुटपिट
<p>डोटी। शिखर नगरपालिका-९ दानकोट स्वास्थ्यचौकीमा कार्यरत अहेब रमेश कुँवरमाथि तीनजनाको समूहले आक्रमण गरी गम्भीर घाइते बनाएको छ।</p>
<p>बाटो हिँड्ने क्रममा कोरोना संक्रमण फैलिने भन्दै मदिरा सेवन गरेका ती युवाहरूले गालीगलौज गर्दै ढुंगा प्रहार गरी घाइते बनाएको प्रहरीले बताएको छ।</p>
<p>स्वास्थ्य सामग्री लिएर दानकोट स्वास्थ्यचौकी जाँदै गरेका कुवँरमाथि उनीहरूले आक्रमण गरेका हुन्। </p>
<p>जिल्ला प्रहरी कार्यालय डोटीका सूचना अधिकारी इन्सपेक्टर कर्ण बोहराका अनुसार स्वास्थ्यकर्मीमाथि कुटपिट गर्ने शिखर नगरपालिका-७ का नवीन खत्री, रोशन खत्री र तेज लुहारलाई पक्राउ गरिएको छ। उनीहरूमाथि अनुसन्धान गरिएको बोहराले बताए।</p>
<p>अहेब कुँवरलाई उपचारका लागि डडेलधुरा अस्पताल पठाइएको र त्यहाँ उपचार सम्भव नभएपछि काठमाडौंस्थित ट्रमा सेन्टर लगिएको शिखर नगरपालिकाका स्वास्थ्य संयोजक हरिश शाहले जानकारी दिए।</p>
<p><br />
महामारीमा आफ्नो ज्यानको पर्वाह नगरी नागरिककको सेवामा खटिएका स्वास्थ्यकर्मीमाथि भएको कुटपिटको विरोध गर्दै यहाँका स्वास्थ्यकर्मीहरूले कुटपिटमा संलग्‍नलाई कारवाहीको माग गरेका छन्। <em>रासस</em></p>
प्रतिक्रिया दिनुहोस्
.jpg)
