उपत्यकामा लकडाउन कार्यान्वयनमा कडाई, ६८९ सवारीसाधन नियन्त्रणमा
<p>काठमाडौं। महानगरीय ट्राफिक प्रहरी महाशाखाले बिहानै देखि उपत्यकामा लकडाउन उल्लंघन गर्ने सवारी साधन नियन्त्रण लिने क्रम तीव्र बनाएको छ।</p>
<p>महाशाखाका अनुसार बिहान ९ बजेसम्म उपत्यका क्षेत्रमा ६११ दुई पाङग्रे र ७८ चार पाङग्रे सवारी साधनहरु नियन्त्रणमा लिइएको छ।</p>
<p>सवारी पास बोकेर हिडेकाहरु पनि अनावश्यक हिँडडुल गरिरहेकाहरूका सवारीसाधन नियन्त्रणमा लिन थालिएको छ।</p>
<p>हिजो मात्रै लकडाउन उल्लंघन गर्ने एक हजार ८०६ सवारीसाधन नियन्त्रणमा लिइएको थियो। विना काम सवारी साधन चलाउनेहरुलाई पनि नियन्त्रणमा लिइने महाशाखाले जनाएको छ।</p>
<p>एक जिल्लाबाट अर्को जिल्लामा पुग्ने नाकाहरू, मुख्य सडकहरू तथा भित्री सडकहरूमा ट्राफिक प्रहरीले चेकजाँचमा थप कडाई गरेको छ।</p>
<p>लकडाउन खुकुलो भन्ने गलत कुराको पछि नलाग्‍न महाशाखाले आग्रह गरेको छ। महानगरीय ट्राफिक प्रहरी महाशाखाले दिनमा १५५ स्थान र राति ४५ स्थानमा चेकप्वाईन्ट राखी सवारीसाधनहरू चेकजाँच गर्दै आएको छ।</p>
<p>भित्री गल्लीहरूमा मोटरसाइकलमा ट्राफिक प्रहरी खटाइएको छ।</p>
<p>काठमाडौं उपत्यकामा ११ चैतदेखि आजसम्म लकडाउन उल्लघंन गर्ने ४७ हजार ३३८ वटा सवारी साधनहरू नियन्त्रणमा लिइएको छ।</p>
प्रतिक्रिया दिनुहोस्
.jpg)
