चीनमा कोभिड-१९ बाट चिकित्सकको मृत्युपछि सरकारको आलोचना
<p>बेइजिङ । चीनको वुहान सेन्ट्रल अस्पतालका युरोरोलोजिस्ट डा. हु वेइफेङको मृत्युका कारण त्यहाँको प्रशासनको चर्को आलोचना भइरहेको छ ।</p>
<p>बीबीसीका अनुसार कोरोना भाइरससँग चार महीना लामो संघर्षपछि हिजो उनको मृत्यु भएको थियो । गत जनवरीमै उनलाई कोभिड-१९ पोजिटिभ पाइएको थियो । कोभिड-१९ का कारण मृत्यु हुने उनी उक्त अस्पतालका छैटौं चिकित्सक हुन् ।</p>
<p>सोही अस्पतालका चिकित्सक डा. ली वेनलियाङले सबैभन्दा पहिले कोरोना भाइरस संक्रमणको पुष्‍टि गरेका थिए । तर, स्थानीय प्रशासनले उनलाई मुख बन्द राख्‍न चेतावनी दिएको थियो ।</p>
<p>अस्पतालबाट एक भिडिओमार्फत उनले आफ्नो कथा सामाजिक सञ्‍जालमा पोस्ट गरेका थिए । उनी आफैंमा कोरोना भाइरसको संक्रमण भएको थियो । र, कोरोना भाइरससँग लड्दा लड्दै उनको ज्यान गएको थियो ।</p>
<p>स्थानीय प्रशासनले डा. हु वेइफेङको मृत्युको बारेमा धेरै जानकारी सार्वजनिक गरेको छैन । उनको निधनको सूचना बाहिरिएपछि सामाजिक सञ्‍जालमा मानिसहरूले महामारीसँग जुझ्‍ने चीन सरकारको शैलीको आलोचना गरिरहेका छन् ।</p>
<p>कोभिड-१९ बिरामीका कारण उनको कलेजोमा गम्भीर संक्रमण देखिएपछि उनको छालाको रंग नै कालो भएको थियो । कोरोनाविरुद्धको लडाईंमा उनको साहसको कदर गर्दै स्थानीय बासिन्दाले उनलाई ‘वास्तविक हिरो’को संज्ञा दिएका छन् ।</p>
प्रतिक्रिया दिनुहोस्
.jpg)
