कोभिड-१९ को दोस्रो तरंग रोक्न ‘ट्राभलर क्वारेन्टाइन’ लागू गर्दै बेलायत
<p>लन्डन। बेलायतले कोभिड-१९ को दोस्रो तरंग रोक्न ‘ट्राभलर क्‍वारेन्टाइन’ लागू गर्ने भएको छ।</p>
<p>क्‍वारेन्टाइनको अवधि १४ दिनको हुनेछ। ८ जुनदेखि लागू हुने उक्त नियम कोरोना भाइरस संक्रमणको दोस्रो तरंग रोक्न प्रभावकारी हुने सरकारको आकलन छ।</p>
<p>गृहमन्त्री प्रिती पटेल र यातायात मन्त्री ग्रान्ट साप्सले उक्त योजनाको पुष्‍टि गरे।</p>
<p>एअरलाइन्सहरू, व्यावसायिक समूह र सत्तारुढ कन्जरभेटिभ पार्टीकै नेताहरूको विरोधका बावजुद सरकारले क्‍वारेन्टाइनको नियममा कडाइ गर्न लागेको हो।</p>
<p>‘डेली टेलिग्राफ’का अनुसार यात्रामा निस्किनेहरूले आफ्नो यात्राबारे विस्तृत विवरण र सम्पर्क सूचना अनिवार्य दिनुपर्नेछ। कसैले यो नियम उल्लंघन गरेको पाइएमा तत्काल कारवाही हुने मन्त्रीद्वयले बताए।</p>
<p>उनीहरूका अनुसार हालसम्म यात्रामा निस्किनेहरूले धेरै गलत सूचना दिने गरेको पाइएको छ।</p>
<p>बेलायती नागरिकसहित बेलायत आउने सबै विदेशीले १४ दिन अनिवार्य क्‍वारेन्टाइनमा बिताउनुपर्नेछ।</p>
प्रतिक्रिया दिनुहोस्
.jpg)
