बेलायतमा जुलाई पहिलो साता कोभिड-१९ को औषधि परीक्षणको तयारी
<p>लन्डन। कोभिड-१९ विरुद्धको औषधि तयार पार्ने संसारभरिको प्रयासको पहिलो परिणाम बेलायतमा देखिने सम्भावना बढेको छ।</p>
<p>बीबीसीका अनुसार बेलायतको ‘रिकोभरी’ नामक संस्थाले औषधि तयार पारेर कोभिड-१९ का बिरामीमा जुलाई पहिलो साता परीक्षणको तयारी गरिरहेको छ।</p>
<p>उक्त संस्थाले हाल उपलब्ध औषधिहरूमै अहिले अनुसन्धान गरिरहेको छ, जसबाट शरीरभित्र ज्वलन कम गर्ने नयाँ औषधि तयार पार्ने वैज्ञानिकहरूको प्रयास छ।</p>
<p>अक्स्फोर्ड विश्‍वविद्यालयको जनसंख्या स्वास्थ्य विभागका प्राध्यापक मेडिसिन तथा महामारी विज्ञानका प्राध्यापक मार्टिन ल्यान्डरका अनुसार गत मार्चयता बेलायतका एक सय ७५ वटा अस्पतालमा यसको परीक्षण गरिसकिएको छ।</p>
<p>त्यसमा एक वर्षदेखि एक सय नौ वर्षसम्मका ११ हजार जना सहभागी भएका छन्।</p>
<p>“धेरै ठूलो जितको आशा नराखौं तर हामी पहिलो परिणाम दिँदैछौं,” उनले भने।</p>
प्रतिक्रिया दिनुहोस्
.jpg)
