नदीमा डुबेर तीन दिनसम्म मृत्यु पर्खिई गर्भवती हात्तीले
<p>नयाँदिल्ली। दक्षिण भारतीय राज्य केरलामा एक गर्भवती हात्ती स्थानीय बेलियार नदीमा उभिइरहेकी गर्भवती हात्तीको तस्वीर सामाजिक सञ्‍जालमा भाइरल छ। </p>
<p>मानव-हात्ती द्वन्द्वको दर्दनाक अवस्थाको प्रतिनिधित्व गर्छे, यस ढोईले। उसलाई कसैले विष्‍फोटक भरिएको खानेकुरा दियो। जसका कारण करिब १४-१५ वर्षकी ढोई छटपटाउँदै नदी पसी। र, तीन दिनसम्म मृत्युको प्रतीक्षा गरी। </p>
<p>उसको उपचार गर्ने सबै प्रयास असफल रहे। शरीर, मुख र सुँढ उसले पानीभित्रै राखिरही।</p>
<p>“हामीले उसलाई चोट लागेको कुनै ठाउँ भेटेनौं। ऊ निरन्तर पानी पिइरहेकी थिई,” स्थानीय राष्‍ट्रिय निकुञ्‍जका अधिकारी स्यामुएल पचाऊले बीबीसीसँग भने, “शायद उसलाई पानी पिउँदा पीडा कम भइरहेको थियो।”</p>
<p>गत २५ मेमा स्थानीय वन अधिकारीहरूले यस हात्तीलाई देखेका थिए। आफू र गर्भमा रहेको शिशुका लागि खाना जुटाउन खेतमा पुगेकी थिई। </p>
<p>र्‍यापिड रेस्पोन्स टीमका वन अधिकारी मोहन कृष्‍णननले फेसबुकमा उसको तस्वीर पोस्ट गरेपछि कसैले उसलाई विष्‍फोटक भरिएको खाना खुवाइदिएको खुल्यो। विष्‍फोटकसहितको पदार्थ खाएपछि ऊ खेतबाट सीधै नदीमा पसी। </p>
<p>वन अधिकारीहरूले नदीबाट निकालेर शल्यक्रिया गर्ने प्रयास गरे। तर, ऊ टसको मस भइन।</p>
<p>तीन दिनपछि नदीमा उभिएको उभियै उसले प्राण त्यागी। पोस्टमार्टमका क्रममा ऊ गर्भवती रहेको खुल्यो।</p>
<p>यस ढोईको मृत्युको कारण रहेका मानिसको खोजी भइरहेको र पक्राउ गरेर कडा दण्ड दिइने वन अधिकारीहरूले बताएका छन्।</p>
प्रतिक्रिया दिनुहोस्
.jpg)
