कोरोना प्रसार रोक्न मास्क र भौतिक दूरी प्रभावकारीः अध्ययन
<p>वासिङ्टन। अमेरिकामा गरिएको एक अध्ययनमा कोरोना भाइरसको प्रसार रोक्न मास्क र भौतिक दूरी प्रभावकारी देखिएका छन्।</p>
<p>तर, त्यसका लागि नियमित हात धुन अनिवार्य देखिएको अध्ययनको निष्कर्ष छ। सामान्यभन्दा सर्जिकल मास्क पहिरिँदा कोरोना भाइरसको प्रसार कम हुने पनि अध्ययनमा देखिएको छ।</p>
<p>अझ ‘एन-९५’ मास्क बढी प्रभावकारी देखिएको अध्ययन रिपोर्टमा उल्लेख छ। </p>
<p>मेडिकल जर्नल ‘लान्सेट’मा प्रकाशित रिपोर्टअनुसार एक मिटरको भौतिक दूरीमा बस्दा कोरोना भाइरस सहजै एकबाट अर्को व्यक्तिमा सर्न नसक्ने निष्कर्ष पनि अध्ययनले दिएको छ।</p>
<p>अझ दुई मिटरको भौतिक दूरी प्रभावकारी देखिएको रिपोर्टमा उल्लेख छ। चश्मा या गगल्समार्फत कोरोना भाइरसबाट आँखाको सुरक्षा हुने अध्ययनमा संलग्‍नहरूको भनाइ छ।</p>
प्रतिक्रिया दिनुहोस्
.jpg)
