खाली रंगशाला अनौठो हुने
<p>काठमाडौं। एट्लेटिको मड्रिडका विंगर यानिक कारास्कोले स्पेनिल ला लिगा शुरू भएपछि खाली रंगशालामा खेल्दा अनौठो अनुभव हुने बताएका छन्। </p>
<p>कोभिड-१९ का कारण ला लिगा गत मार्चबाट स्थगित भएको थियो। ला लिगा ११ जुनमा डर्बी खेल सेभिया र रियाल बेटिसबीचको प्रतिस्पर्धाबाट पुनः शुरू हुनेछ। </p>
<p>डिएगो सिमोनीको एट्लेटिको मड्रिड छैटौं स्थानमा छ। जुन च्याम्पियन्स लिग खेल्ने चौथो स्थानको क्लब रियाल सोसिडाडभन्दा एक अंकले पछि हो। एट्लेटिकोले १४ जुनमा एथलेटिक बिल्बाओको भ्रमण गर्नेछ। </p>
<p>‘‘बन्द रंगशालामा खेल्नु अनौठो हुनेछ। तर हामी व्यावसायिक खेलाडी हौं र टीभीमा हेर्ने समर्थक र दर्शकका लागि हामी आफ्नोतर्फबाट सक्दो राम्रो फुटबल खेल्नेछौं,’’ कारास्कोले भने। </p>
<p>एट्लेटिकोले च्याम्पियन्स लिगको अन्तिम १६ मा लिभरपुलविरुद्ध खेलेपछि कुनै खेल खेलेको छैन। मार्चमा च्याम्पियन्स लिगको उक्त खेलमा एट्लेटिकोले साविक विजेता लिभरपुललाई समग्रमा ४-२ को नतिजा निकाल्दै क्‍वार्टरफाइनलमा स्थान बनाएको थियो। </p>
<p>बेल्जियमका कारास्कोले सबै सँगै प्रशिक्षण गर्न पाएको खुशी लागेको बताए। </p>
<p>‘‘हाम्रो टीममा सबैलाई ठीक छ। हामी पहिलो खेलको तयारीका लागि कडा मिहिनेत गरिरहेका छौं। त्यही खेलबाट हामीले लय समाउनु पर्छ,’’ कारास्कोले भने।</p>
प्रतिक्रिया दिनुहोस्
.jpg)
