बैतडीमा क्वारेन्टाइनमा रहेकी महिलाको मृत्यु
<p>कैलाली। बैतडीमा क्‍वारेन्टाइनमा राखिएकी एक महिलाको मृत्यु भएको छ। </p>
<p>जिल्लाको पुर्चौडी नगरपालिका ४ भटनास्थित मालिका माविको क्‍वारेन्टानमा बसेकी २२ वर्षीया महिलाको आज बिहान मृत्यु भएको हो। </p>
<p>उनी १६ जेठमा कैलालीको त्रिनगर नाका हुँदै भारतबाट स्वदेश फर्किएकी थिइन्। उनी नेपाल आउनुअघि श्रीमानसहित भारतको पन्जाबमा बस्थिन्।</p>
<p>मृतकका श्रीमानका अनुसार मुटु रोगी उनले १२ दिनदेखि औषधि सेवन गर्न पाएकी थिइनन्।</p>
<p>मृतकको स्वाब संकलन गर्ने तयारी भइरहेको बैतडीका प्रमुख जिल्ला अधिकारी मोहनराज जोशीले बताए। उनले स्वाव संकलनका लागि स्वास्थ्यकर्मीको टोली पुगिसकेको बताए।</p>
प्रतिक्रिया दिनुहोस्
.jpg)
