झापाका १७ सहित बीपी कोइराला प्रतिष्ठानबाट १८ जना डिस्चार्ज
<p>काठमाडौं। प्रदेश १ का थप १८ जना कोरोनामुक्त भएर घर फर्किएका छन्।</p>
<p>धरानस्थित बीपी कोइराला स्वास्थ्य विज्ञान प्रतिष्ठानमा उपचाररत् उनीहरूलाई आज बिहान डिस्चार्ज गरिएको हो।</p>
<p>डिस्चार्ज गरिएकाहरूमा १७ जना पुरुष र एकजना महिला रहेको प्रतिष्ठानका प्रवक्ता डा. निदेश सापकोटाले देखापढीलाई बताए।</p>
<p>सापकोटलाका अनुसार १७ जना पुरुष झापाका हुन् भने एकजना महिला धरानकी हुन्।</p>
<p>“२४ घण्टाभित्र दुईपटक गरिएको नमूना परीक्षण नेगेटिभ आएपछि डिस्चार्ज गरिएको हो”, उनले भने, “अब अस्पतालमा ८० जना संक्रमित उपचाररत छन्।”</p>
<p>यसअघि प्रदेश १ बाट ३० जना कोरोना संक्रमित डिस्चार्ज भइसकेका छन्। आज डिस्चार्ज भएकासहित प्रदेश १ मा कोरोनामुक्त हुनेको संख्या ४८ पुगेको छ।</p>
प्रतिक्रिया दिनुहोस्
.jpg)
