दंगाग्रस्त क्षेत्रमा सेना परिचालन गर्ने ट्रम्पको तयारी
<p>वासिङ्टन। अश्‍वेत युवक जर्ज फ्लोयडको हत्यापछि भड्किएको हिंसा नियन्त्रणका लागि सेना परिचालन गरिने अमेरिकी राष्‍ट्रपति डोनाल्ड ट्रम्पले बताएका छन्।</p>
<p>निरन्तर भइरहेका प्रदर्शन रोक्न राजधानी वासिङ्टनसहित ४० वटा शहरमा कर्फ्यु लगाइएको छ। न्युयोर्कका मेयरले पनि रात्रिकालीन कर्फ्यु घोषणा गरेका छन्।</p>
<p>हिंसा रोक्न हजारौं प्रहरी र सेनालाई परिचालन गरिने ट्रम्पले बताए।</p>
<p>यसैबीच, फ्लोयडको परिवारले गराएको पोस्टमार्टममा चिकित्सकले उनको मृत्युको कारण घाँटी र कम्मरमा थिचिनु रहेको बताएका छन्। सोही कारण अक्सिजनको कमी हुँदा उनको ज्यान गएको रिपोर्ट चिकित्सकले दिएका छन्। प्रहरीले धेरैबेरसम्म उनको गर्दनमा घुँडाले थिचेका थिए।</p>
<p>यसअघि सरकारी रिपोर्टमा अक्सिजनको कमीलाई कारण बताइएको थिएन।</p>
<p>प्रदर्शन रोक्न असफल भएको बताउँदै राष्‍ट्रपति ट्रम्पले सबै राज्यका गभर्नरहरूको आलोचना गरेका छन्। </p>
<p>यस प्रदर्शनका लागि ट्रम्पले बामपन्थी कट्टरपन्थीहरूलाई जिम्मेवार बताउँदै आएका छन्।</p>
प्रतिक्रिया दिनुहोस्
.jpg)
