सुदूरपश्चिमका क्वारेन्टाइन भरिभराउ
<p>कैलाली। सुदूरपश्‍चिम प्रदेशमा लकडाउनको अवधिमा भारतबाट फर्केका ४९ हजार नौ सय ५३ जनालाई क्‍वारेन्टाइनमा राखिएको छ।</p>
<p>स्वास्थ्य निर्देशनालय डोटीका अनुसार प्रदेशभरि ५६ हजार ५२ जना अटाउने एक हजार चार ६६ वटा क्‍वारेन्टाइन छन्।</p>
<p class="align-center"><img alt="" height="443" src="https://www.dekhapadhi.com/uploads/editor/Corona/Quarantine%20Sudusrpaschim%2001.jpg" width="960" /></p>
<p>क्‍वारेन्टाइनमा राखिएकामध्ये ४३ हजार तीन सय ५७ पुरुष र ६ हजार पाँच सय ९६ महिला छन्।</p>
<p>निर्देशनालयका अनुसार सबैभन्दा बढी कैलालीमा १३ हजार दुई सय १२ जनालाई राखिएको छ। यस्तै, कञ्‍चनपुरमा सात हजार ६ सय ५१, डोटीमा सात हजार ६ सय ७३, बैतडीमा पाँच हजार तीन सय ८६, डडेल्धुरामा चार हजार दुई सय ५२, अछाममा चार हजार पाँच सय २४, बझाङ दुई हजार ६ सय ६९, बाजुरामा तीन हजार पाँच सय ७४ र दार्चुलामा एक हजार १२ जनालाई क्‍वारेन्टाइनमा राखिएको छ।</p>
<p>क्‍वारेन्टाइनमा रहेकाहरूमध्ये हालसम्म करिब एक हजार पाँच सयजनाको र्‍यापिड डायनोस्टिक टेस्ट (आरडीटी) भएको छ भने तीन सय जनाको मात्र पलिमराइज चेन रियाक्ट (पीसीआर) परीक्षण भएको छ।</p>
प्रतिक्रिया दिनुहोस्
.jpg)
