इजरायली प्रधानमन्त्री नेतन्याहुका कर्मचारीमा कोरोना
<p>जेरुसलेम। इजरायली प्रधानमन्त्री बेन्जामिन नेतन्याहुको कार्यालयमा कार्यरत एक कर्मचारीमा कोरोना भाइरस संक्रमण पुष्‍टि भएको छ।</p>
<p>संक्रमित कर्मचारीको सम्पर्कमा नेतन्याहु भए-नभएको भने उनको कार्यालयले स्पष्‍ट गरेको छैन। तर, कार्यालयका कर्मचारीमा कोभिड-१९ पोजिटिभ देखिएको कार्यालयले पुष्‍टि गरेको छ।</p>
<p>७० वर्षीय नेतन्याहुको पनि जाँच शुरु गरिएको कार्यालयले जनाएको छ। र, ती कर्मचारीको सम्पर्कमा आएका सबैको परीक्षण थालिएको छ।</p>
<p>नेतन्याहुका निकटस्थहरूमा कोरोना भाइरसको संक्रमण देखिएको यो दोस्रो पटक हो। यसअघि एक सल्लाहकारमा पनि संक्रमण पुष्‍टि भएको थियो।</p>
<p>इजरायलका स्वास्थ्यमन्त्रीमा पनि कोरोना भाइरस संक्रमणको शंका गरिएको थियो। तर, परीक्षणमा नेगेटिभ देखियो।</p>
<p>इजरायलमा हालसम्म कोभिड-१९ का १७ हजार एक सय बिरामी देखिएका छन्। तीमध्ये दुई सय ८५ जनाको मृत्यु भएको छ।</p>
प्रतिक्रिया दिनुहोस्
.jpg)
