कोभिड-१९ पत्ता लगाउने स्वर्गीय चिकित्सककी पत्नीले दिइन् छोरीलाई जन्म
<p>बेइजिङ। कोभिड-१९ लाई सबैभन्दा पहिले पहिचान गर्ने चिनियाँ चिकित्सक ली वेनलियाङकी पत्‍नीले एक छोरीलाई जन्म दिएकी छन्।</p>
<p>डा. लीकी पत्‍नी डा. पेङ यिन्हुआ पनि वुहान शहरको एक सरकारी अस्पतालमा कार्यरत छिन्। सोही शहरमा कोरोना भाइरसको सबैभन्दा पहिले पहिचान भएको थियो।</p>
<p>२९ वर्षीय डा. लीको १ फेब्रुअरीमा विवाह तय भएको थियो। तर, शहरमा कोरोना भाइरसको संक्रमण फैलिएकाले विवाह स्थगित भयो।</p>
<p>आफैं कोरोना भाइरसको संक्रमणमा परेका उनको २० फेब्रुअरीमा मृत्यु भयो। उनको निधन हुँदा डा. पेङ ६ महीनाकी गर्भवती थिइन्।</p>
<figure class="align-left"><img alt="" height="382" src="https://www.dekhapadhi.com/uploads/editor/Corona/Dr.%20Li%20wengliang%2001.jpg" width="220" />
<figcaption class="caption-line">डा. ली वेनलियाङ</figcaption>
</figure>
<p>डा. लीको निधनपछि स्थानीय सञ्‍चार माध्यमहरूले केही तस्वीर सार्वजनिक गरेका थिए। चिनियाँ परम्पराअनुसार विवाहअघि नै त्यस्ता तस्वीर खिचाउने गरिन्छ। सामाजिक सञ्‍जालहरूमा डा. लीको निधनलगत्तै ती तस्वीर धेरै सेयर भएका थिए।</p>
<p>चीनमा विवाहअघि नै दुलहा-दुलही सँगै बस्‍ने चलन छ। डा. पत्‍नीले छोरीलाई जन्म दिएपछि सामाजिक सञ्‍जाल प्रयोगकर्ताहरूले लेखेका छन्- डा. लीकी छोरीको यस दुनियाँमा आउनु उनको परिवारका लागि आशिर्वाद हो।</p>
<p>कतिपयले भावुक हुँदै सन्देश लेखेका छन्, “यी प्यारी बालिकाको जन्म चीनको राष्‍ट्रिय बाल दिवसका दिन भएको छ। तर, उनी आफ्ना हिरो पितालाई भेट्न पाउने छैनन्।”</p>
<p>डा. लीको निधनमा पूरै चीनमा शोक मनाइएको थियो। उनले आफ्ना सहकर्मी चिकित्सकहरूलाई आफूले केही बिरामीमा सार्सजस्तो लक्षण देखेको बताउँदै सचेत रहन सन्देश पठाएका थिए।</p>
<p>तर, स्थानीय प्रशासनले उनको कुरामा गम्भीरता देखाएन। उल्टै अफवाह फैलाएको बताउँदै कारवाहीको चेतावनी दिइयो। उनले आफूलाई कोरोना भाइरसको संक्रमण भएको सामाजिक सञ्‍जालमा लेखेका थिए। त्यसको केही दिनभित्रै उनको निधन भयो।</p>
प्रतिक्रिया दिनुहोस्
.jpg)
