बाँके दुर्घटना : मृतक ११ जनाको सनाखत
<p>बाँके। बाँकेको राप्तीसोनारी गाउँपालिका-२ स्थित <a href="http://https://www.dekhapadhi.com/news/14127" target="_blank">पूर्वपश्चिम राजमार्गमा गय राति भएको दुर्घटना</a>का मृतकको सनाखत भएको छ। </p>
<p>दुर्घटनामा मृत्यु भएकामध्ये ११ जनाको नाम खुलेको छ। एकजनाको सनाखत हुन बाँकी छ।</p>
<p>नाम खुले पनि ठेगाना भने पहिचान नभएको जिल्ला प्रहरी कार्यालयका प्रहरी निरीक्षक हृदय सापकोटाले जानकारी दिए।</p>
<p>उनका अनुसार पहिचान भएकामा बुद्धिराम विक, भीमबहादुर विक, दिलबहादुर विक, नरेन्द्र विक, मोहनचन्द्र विक, रामबहादुर पुन, पूर्णबहादुर पुन, सीता पुन, दानबहादुर खड्का, पवन भण्डारी र रितेश खड्का छन्।</p>
<p>दुर्घटनामा घाइते २१ जनामध्ये चारजनाको अवस्था गम्भीर छ। उनीहरूको भेरी अस्पताल नेपालगञ्जमा उपचार भइरहेको छ।</p>
<p>दुर्घटनामा परेकाहरू सबै भारतबाट आएका हुन्। घाइते हुनेमा अधिकांश सल्यानका छन्।</p>
<p>सबै भारतबाट आएकाले कोरोना परीक्षण गरिएकामा सबैको नेगेटिभ रिपोर्ट आएको भेरी अस्पतालका मेडिकल सुपरिटेण्डेण्ट डा. प्रकाश थापाले जानकारी दिए। <em>रासस</em></p>
.jpg)
