कोरियन र नेपालीसहित २३५ यात्रु बोकेको कोरियन एअरको जहाज कोरिया उड्यो
<p>काठमाडौं। नेपालमा रहेका कोरियाली र नेपालीसहित २३५ यात्रु बोकेर कोरियन एअरको जहाज दक्षिण कोरियाको राजधानी सिओल उडेको छ।<br />
<br />
त्रिभुवन अन्तर्राष्ट्रिय विमानस्थलबाट कोरियन एअरको एअरबस ए ३२० चार्टर्ड जहाज यात्रु लिएर सिओल उडेको विमानस्थलले जनाएको छ।</p>
<p>उक्त जहाजमा ६९ विदेशी तथा १६३ नेपाली र तीन बालबालिका छन्।</p>
<p>गएराति कतार एअरवेजको एअरबस ए ३२० जहाजले नेपालमा रोकिएका ३०३ यात्रु र नौ बालबालिका लिएर कतारको दोहा हुँदै अमेरिका उडेको थियो। ती यात्रुमा पनि अधिकांश नेपाली र केही अमेरिककी नागरिक छन्।<br />
<br />
लकडाउनको कारण रोकिएका जापान, दक्षिण कोरिया, अष्ट्रेलिया, अमेरिका, युरोपलगायत मुलुकले धमाधम जहाज चार्टर्ड गरी यात्रु लगिरहेका छन्।</p>
<p>विमानस्थलका अनुसार बन्दाबन्दीमा ९३ अन्तर्राष्‍ट्रिय उडान भएका छन्। तीमध्ये सबैभन्दा बढी यात्रु चार्टर्ड उडानका हुन्। ती उडानबाट करीब आठ हजार यात्रु विभिन्न मुलुक फर्किएका छन्।<em> रासस</em></p>
प्रतिक्रिया दिनुहोस्
.jpg)
