दिल्लीमा एक साताका लागि सीमा सिल
<p>नयाँदिल्ली। भारतको दिल्लीका मुख्यमन्त्री अरविन्द केजरीवालले एक साताका लागि आफ्नो राज्यको सीमा सिल गर्ने घोषणा गरेका छन्।</p>
<p>बीबीसीका अनुसार सातादिनयता दिल्लीमा कोरोना भाइरसको संक्रमण बढ्दो रहेको उल्लेख गर्दै उक्त घोषणा गरेका हुन्। </p>
<p>“दिल्लीमा निःशुल्क उपचार भइरहेको छ। यदि सीमा खुला राखियो भने देशभरका मानिस आउने छन् र यहाँका अस्पतालका नौ हजारभन्दा बढी शय्या भरिने छन्,” उनले भने।</p>
<p>दिल्ली सरकारले कसैको उपचारका लागि निषेध गर्न नसक्ने उल्लेख गर्दै केजरीवालले आफूलाई जबसम्म कोभिड-१९ को महामारी रहन्छ, तबसम्म दिल्लीका बासिन्दाका लागि अस्पतालका शय्याहरू रिजर्भ राख्‍न सल्लाह आएको बताए।</p>
<p>“यो साता दिल्लीका सीमा बन्द रहने छन्, अर्को साता जनताको राय आएपछि मात्र खुला गर्ने या बन्द नै राख्‍ने भन्‍नेबारे निर्णय लिइनेछ,” उनले भने।</p>
प्रतिक्रिया दिनुहोस्
.jpg)
