सुदूरपश्चिममा छैटौं व्यक्तिले जिते कोरोनालाई
<p>कैलाली । सुदूरपश्‍चिममा छैटौं व्यक्तिले कोरोना भाइरसको संक्रमणलाई जितेका छन्।</p>
<p>डडेल्धुराको परशुराम नगरपालिका १० का २८ वर्षीय युवक संक्रमणमुक्त भएका हुन् ।</p>
<p>सेती प्रादेशिक अस्पतालको प्रयोगशालामा गरिएको परीक्षणमा उनका दुईवटा रिर्पोट नेगेटिभ आएका छन् । </p>
<p>डडेल्धुरा अस्पतालका निमित्त मेडिकल सुपरिटेन्डेन्ट डा. जगदिशचन्द्र विष्‍टका अनुसार उनीहरूलाई डिस्चार्ज गरिएको छ ।</p>
<p>ती युवकमा गत ९ जेठमा कोरोनाको संक्रमण पुष्‍टि भएको थियो।</p>
<p>डडेल्धुरा अस्पतालको आइसोलेसनमा उपचाररत युवकले १० दिनमै कोरोना जितेका हुन्। यससँगै सुदूरपश्‍चिममा कोरोनाको संक्रमणबाट मुक्त हुनेको संख्या ६ पुगेको छ।</p>
प्रतिक्रिया दिनुहोस्
.jpg)
