प्रिन्सिपल मृत्यु प्रकरण छानविन गर्न सीआईबीको टोली धनगढीमा
<p>कैलाली। जिल्लाको गौरीगंगा नगरपालिका ९ मसुरियास्थित बिहानी क्षितिज बोर्डिङ स्कुलका प्रिन्सिपल कृष्णप्रसाद भुसाल मृत्यु प्रकरणको अनुसन्धानका लागि काठमाडौंबाट प्रहरीको केन्द्रीय अनुसन्धान ब्युरो (सीआईबी)को टोली कैलाली आएको छ।</p>
<p>गौरीगंगा ९ का ४० वर्षीय भुसाल ११ वैशाखमा पूर्वपश्‍चिम राजमार्गमा मृत फेला परेका थिए। </p>
<p>उनको हत्या भएको बताउँदै स्थानीय बासिन्दाले महिनादिनदेखि लगातार प्रदर्शन गर्दै आएका छन्। </p>
<p>सोही प्रकरणको छानविन गर्न सीआईबीको टोली धनगढी आइपुगेको हो। टोलीले आजैदेखि छानविन थाल्ने जिल्ला प्रहरी कार्यालय कैलालीका डीएसपी दक्षकुमार बस्‍नेतले जानकारी दिए।</p>
प्रतिक्रिया दिनुहोस्
.jpg)
