बाढीले बगाउँदा कैलालीमा दुई मजदुर वेपत्ता
<p>कैलाली। भारी वर्षापछि खोलामा आएको बाढीले बगाउँदा आज बिहान दुईजना मजदुर वेपत्ता भएका छन्।</p>
<p>कैलालीको चुरे गाउँपालिका-१ मिलनपुर नजिकै पातली खोलाको किनारमा पालमुनि अस्थायी शिविर बनाई बसेका सहजपुर-बोक्टान सडक खण्डमा काम गर्ने दुईजना मजदुर बाढीले बगाएर वेपत्ता भएको इलाका प्रहरी कार्यालय फल्टुडेका इन्सपेक्टर माधव विश्‍वकर्माले बताए।</p>
<p>उनका अनुसार वेपत्ता हुनेमा कृष्णपुर नगरपालिका गुलरिया कञ्‍चनपुरका ४० वर्षीय कमल थापा र २४ वर्षका गोपाल विश्‍वकर्मा छन्।</p>
<p>त्यहाँ १६ जना मजदुर बस्दै आएका थिए।</p>
<p>बेपता दुवैजनाको खोजीका लागि इलाका प्रहरी कार्यालय फल्टुडे, बि.पी. नगर र प्रहरी चौकी घरखेडाको प्रहरी टोली घटनास्थमा पुगिसकेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक दक्षकुमार बस्नेतले बताए।</p>
प्रतिक्रिया दिनुहोस्
.jpg)
