क्वारेन्टाइनमा मृत्यु भएका बालकमा कोभिड-१९ नेगेटिभ
<p>कैलाली। भारतबाट फर्किएर डडेल्धुरास्थित क्‍वारेन्टाइनमा मृत्यु भएका बालकको कोभिड-१९ रिर्पोट नेगेटिभ आएको छ।</p>
<p>धनगढीस्थित सेती प्रादेशिक अस्पतालको प्रयोगशालामा गरिएको परीक्षणमा उनको रिर्पोट नेगेटिभ आएको हो।</p>
<p>मृतक बालकको थ्रोट स्वाबको नमूना परीक्षण गर्दा रिर्पोट नेगेटिभ आएको अस्पतालका सूचना अधिकारी दिलिप श्रेष्‍ठले जानकारी दिए।</p>
<p>आमा-बुवासँगै भारतबाट फर्किएर डडेल्धुरा बहुमुखी क्याम्पसको क्‍वारेन्टाइनमा राखिएका नवदुर्गा गाउँपालिका-३ का करिब ६ वर्षीय बालकको शनिबार राति मृत्यु भएको थियो।</p>
<p>कोभिड-१९ को रिर्पोट नेगेटिभ आएपछि आइतबार नै शव परिवारलाई बुझाइएको डडेल्धुरा अस्पतालका मेडिकल सुपरिटेन्डेन्ट डा. जगदिशचन्द्र बिष्‍टले जानकारी दिए।</p>
प्रतिक्रिया दिनुहोस्
.jpg)
