फिलिपिन्स र मेक्सिकोमा आजदेखि लकडाउन खुकुलो बनाइँदै
<p>लन्डन। फिलिपिन्स मेक्सिकोमा आजदेखि लकडाउन खुकुलो बनाइने भएको छ।</p>
<p>फिलिपिन्स सरकारले आजदेखि राजधानी मनिलामा लकडाउन खुकुलो बनाउने भएको हो। मनिलामा पसल र व्यवसायहरू खोल्ने मात्र नभई सार्वजनिक यातायात पनि सञ्‍चालनमा ल्याइने भएको छ।</p>
<p>फिलिपिन्समा मार्चदेखि लकडाउनको कडा नियम लागू गरिएको थियो, जसबाट अर्थव्यवस्थामा गम्भीर असर परेपछि सरकारले खुकुलो बनाउने निर्णय लिएको हो। समाचार एजेन्सी रोयटर्सका अनुसार लकडाउनले फिलिपिन्सको अर्थतन्त्रमा ३४ वर्षयताकै खराब अवस्था ल्याएको छ।</p>
<p>यस्तै, उत्तर अमेरिकी मुलुक मेक्सिकोले आजदेखि लकडाउन खुकुलो बनाएको छ। सरकारले कलकारखानाहरू खोल्ने निर्णय लिएको छ।</p>
<p>मेक्सिकोका राष्‍ट्रपति आन्द्रेस म्यानुअल लोपेजले त कोरोना भाइरसको संकटबाट मानिसलाई बाहिर निकाल्न भन्दै देशव्यापी भ्रमण थाल्ने बताएका छन्। उनको यस निर्णयको भने देशव्यापी आलोचना भइरहेको छ।</p>
प्रतिक्रिया दिनुहोस्
.jpg)
