बलिउड संगीतकार वाजिद खानको निधन
<p>मुम्बई। बलिउड संगीतकार वाजिद खानको गए राति निधन भएको छ।</p>
<p>संगीतकार जोडी साजिद-वाजिदमध्येका हुन् उनी। गायक सोनु निगमले आफ्नो फेसबुक पेजमार्फत वाजिदको निधन भएको पुष्‍टि गरेका हुन्।</p>
<p>वाजिदको परिवारले पनि बीबीसीसँग उनको निधन भएको पुष्‍टि गरेको छ। परिवारका एक सदस्यले भने, “उनको आत्माको शान्तिका लागि प्रार्थना गरिदिनुहोस्।”</p>
<p>उनी मिर्गौलाका रोगी थिए। दुई वर्षअघि उनको मिर्गौला प्रत्यारोपण गरिएको थियो। </p>
<p>घाँटीमा पनि संक्रमण देखिएपछि मुम्बईको चेम्बुरस्थित अस्पतालमा उनलाई भर्ना गरिएको थियो। निधनपछि उनको कोभिड-१९ को परीक्षण पनि गरिएको अस्पतालले जनाएको छ, जसको रिपोर्ट आइसकेको छैन।</p>
<p>उनको अन्तिम गीत बन्यो, ‘भाइ-भाइ’। एक साताअघि मात्र उक्त गीत सार्वजनिक भएको थियो, जुन अभिनेता सलमान खानसँग मिलेर तयार पारेका थिए।</p>
<p>सांगीतिक जोडी साजिद उनका भाइ हुन्। सन् १९९८ मा सलमान खान अभिनित फिल्म ‘मैने प्यार किया’बाट वाजिद पनि चर्चामा आएका थिए।</p>
प्रतिक्रिया दिनुहोस्
.jpg)
