गण्डकीमा थपिए ३ जना कोरोना संक्रमित, तनहुँमा पहिलोपटक संक्रमण भेटियो
<p>काठमाडौं। गण्डकी प्रदेशको स्याङ्जा र तनहुँमा तीनजना संक्रमित पुष्टि भएका छन्।</p>
<p>गण्डकी प्रदेश सरकार सामाजिक विकास मन्त्रालय स्वास्थ्य निर्देशनालयले विज्ञप्ति निकालेर तीनजना संक्रमित थपिएको जनाएको छ।</p>
<p>निर्देशनालयका अनुसार स्याङ्जाको गल्याङ नगरपालिकाका २७ र ४० वर्षीय दुई पुरुष र तनहुँको ऋषिङ गाउँपालिकाका २८ वर्षीय पुरुषमा संक्रमण पुष्टि भएको हो।</p>
<p>तनहुँमा पहिलोपटक कोभिड-१९ पोजिटिभ फेला परेको हो।</p>
<p>यो सहित गण्डकी प्रदेशमा संक्रमितको संख्या २४ पुगेको निर्देशनालयले जनाएको छ।</p>
प्रतिक्रिया दिनुहोस्
.jpg)
