.jpg)
बूढानीलकण्ठका दुईजना कोरोनामुक्त भएर घर फर्किए
<p>काठमाडौं। काठमाडौँको बूढानीलकण्ठ नगरपालिकामा फेला परेका दुईजना संक्रमित कोरोनामुक्त भएर घर फर्किएका छन्।</p>
<p>सर्लाही, रामनगर स्थायी घर भई हाल बूढानीलकण्ठ-१२ स्थित तेञ्जिङ चोकमा बसोबास गर्ने एक १८ वर्षीया युवतीमा ३ जेठमा कोरोना संक्रमण पाइएपछि शुक्रराज ट्रपिकल तथा सरुवा रोग अस्पताल टेकुको आइसोलेसनमा राखिएको थियो।</p>
<p>पछिल्लो दुई वटा परीक्षणमा नेगेटिभ आएपछि ती युवतीलाई घर फर्काइएको नगरपालिकाका स्वास्थ्य शाखा प्रमुख कुमार दाहालले बताए। उनी १५ दिनमा घर फर्किएकी हुन्।<br />
<br />
यस्तै १२ जेठमा भर्ना गरिएका बूढानीलकण्ठ–३ स्थायी घर भएका ३७ वर्षीय पुरुष पनि पाँच दिनमा घर फर्काइएको छ।</p>
<p>युवकमा कोरोना पुष्टि भएसँगै बूढानीलकण्ठ -३ स्थित बूढानीलकण्ठ मन्दिर तथा शिवपुरी राष्ट्रिय निकुञ्ज क्षेत्र आसपास सिल गरिएको थियो। ती युवक अस्पतालबाट डिस्चार्ज भएसँगै उक्त क्षेत्र आजदेखि खुला गरिएको वडाध्यक्ष बालकृष्ण श्रेष्ठले जानकारी दिए। <em>रासस</em></p>
प्रतिक्रिया दिनुहोस्
.jpg)
