बाजुरा अस्पतालको आइसोलेसनमा दुई वर्षीया बालिकाको मृत्यु
<p>कैलाली। बाजुरा अस्पतालको आइसोलेसनमा भर्ना गरिएकी एक बालिकाको आज बिहान मृत्यु भएको छ।</p>
<p>बुढिगंगा नगरपालिका १ का दुई वर्षीया बालिकाको आज बिहान मृत्यु भएको हो।</p>
<p>ती बालिकालाई जिल्ला अस्पताल बाजुराको आइसोलेसनमा १५ जेठदेखि राखिएको थियो।</p>
<p>अस्पतालका प्रमुख डाक्टर रुपचन्द्र विश्वकर्माले बालिकाको मृत्यु भएको पुष्टि गरे।</p>
<p>विश्‍वकर्माका अनुसार १६ गते उनको थ्रोट स्वाबको नमूना संकलन गरी परीक्षणका लागि धनगढी पठाइए पनि रिर्पोट भने आएको छैन।</p>
<p>आठ दिनअघि त्रिनगर भन्सार नाका भएर भारतबाट फर्किएकी उनलाई बुढिगंगा नगरपालिका-१ धुरालसैन माविको क्वारेन्टाइनमा राखिएको थियो।</p>
<p>बालिकाको स्वास्थ्य अवस्था जटिल भएपछि १५ जेठमा सदरमुकाममा रहेको अस्पतालको आइसोलेसनमा भर्ना गरिएको हो।</p>
<p>जिल्ला अस्पताल बाजुराले विज्ञप्तिमार्फत १५ गते बेलुका ८ बजे भर्ना गरिएकी ती बालिका कडा खालको निमोनियाबाट ग्रसित रहेको पाइएको जनाएको छ।</p>
<p>उनलाई केही एन्टिबायोटिक औषधि र अक्सिजन दिएर उपचार गरिएको अस्पतालले बताएको छ।</p>
<p>भर्ना भएको भोलिपल्टै १६ जेठमा बालिकाको मृत्यु भएपछि उनी र आमा-बाबुसहित तीनैजनाको थ्रोट स्वाब परीक्षणका लागि पठाइएको अस्पतालको विज्ञप्तिमा लेखिएको छ।</p>
<p>कोभिड-१९ रिपोर्ट आएपछि मात्र शव व्यवस्थापन गरिने अस्पतालले जानकारी दिएको छ।</p>
<p><strong>यो पनि पढ्नुहोस्:</strong></p>
<p><a href="https://www.dekhapadhi.com/news/14054" target="_blank"><strong>भारतबाट आमाबुबासँगै आएर क्‍वारेन्टाइनमा बसेका बालकको मुत्यु</strong></a></p>
<p> </p>
प्रतिक्रिया दिनुहोस्
.jpg)
