डोटीको सुजंग अस्पतालमा तीन दिनकी सुत्केरीको मृत्यु
<p>कैलाली। डोटीको सुजंग अस्पतालमा तीन दिनकी सुत्केरीको मृत्यु भएको छ।</p>
<p>केआईसिंह गाउँपालिका-४ की २९ वर्षिया नारु कार्कीको आज बिहान ४ बजे तिर मृत्यु भएको अस्पतालले जनाएको छ।</p>
<p>१६ जेठ दिउँसो भर्ना भएकी उनको शल्यक्रियाबाट प्रसूति गराइएको थियो।</p>
<blockquote>
<p><a href="https://www.dekhapadhi.com/news/13712" target="_blank"><span style="color:#16a085;">पढ्नुहोस्: लकडाउनले लिँदैछ सुत्केरीको ज्यान, दुई महीनामा ३० को मृत्यु </span></a></p>
</blockquote>
<p>शल्यक्रियापछि सामान्य अवस्थामा रहेकी कार्कीले हिजो, १७ जेठ साँझ आफूलाई केहि असजिलो भएको बताएको अस्पतालका प्रशासन प्रमुख अर्जुन बलायरले बताए।</p>
<p>"डाक्टरहरुले बचाउन प्रयास गरिरहनुभएको थियो। स्वास्थ्यमा अझ समस्या भएपछि अन्यत्र रेफर गर्न खोज्दै गर्दा मृत्यु भयो", बलायरले भने।</p>
<p>बच्चाको अवस्था भने सामान्य नै रहेको अस्पतालले जनाएको छ।</p>
प्रतिक्रिया दिनुहोस्
.jpg)
