भारतबाट आमाबुबासँगै आएर क्वारेन्टाइनमा बसेका बालकको मुत्यु
<p>कैलाली। डडेल्धुरा बहुमुखी क्याम्पसको क्वारेन्टाइनमा रहेका एक बालकको मृत्यु भएको छ।</p>
<p>नवदुर्गा गाउँपालिका-३ का साढे छ वर्षीय बालकको आज बिहान मृत्यु भएको हो।</p>
<p>भारतको मुम्बइबाट त्रिनगर भन्सार नाका भएर हिजो, १७ जेठमा करीब १२ बजे आमाबाबुसँगै डडेल्धुरा पुगेका बालकको आज बिहान ३ बजे मृत्यु भएको डडेल्धुराका प्रहरी नायब उपरीक्षक दधिराम न्यौपानेले देखापढीलाई बताए।</p>
<p>बालक बिरामी भएको खबर पाए लगत्तै एम्बुलेन्स पठाए पनि अस्पताल पुर्‍याउनुअघि नै उनको मृत्यु भएको न्यौपानेले जानकारी दिए।</p>
<p>डडेल्धुरा अस्पतालका निमित्त मेडिकल सुपरिटेन्डेन्ट डाक्टर जगदीशचन्द्र विष्टले बालकको अस्पताल पुर्‍याउनुभन्दा अघि नै मृत्यु भएको बताए।</p>
<p>कोभिड-१९ परीक्षणको लागि बालकको थ्रोट स्वाब नमूना संकलन गरिने उनले जानकारी दिए।</p>
<p>बालकको परिवारले दिएको जानकारी अनुसार मलेरिया रोगबाट ग्रसित रही उनी यसअघि मुम्बईस्थित एक अस्पतालमा उपचाररत थिए।</p>
प्रतिक्रिया दिनुहोस्
.jpg)
