गुल्मीमा क्वारेन्टाइनबाट भागेर एक व्यक्तिले गरे आत्महत्या
<p>काठमाडौं। गुल्मीको छत्रकोट गाउँपालिकाको क्वारेन्टाइनमा रहेका एक व्यक्तिले क्वारेन्टाइनबाट भागेर आत्महत्या गरेका छन्।</p>
<p>वडा नम्बर ४ स्थित आदर्श माविको क्वारेन्टाइनमा रहेका स्थानीय ५६ वर्षीय चन्द्रबहादुर परियारले रुखमा झुण्डिएर आत्महत्या गरेको गाउँपालिकाले जनाएको छ।</p>
<p>वडाध्यक्ष डिलाराम न्यौपानेका अनुसार हिजो साँझ उनी शौच गर्न जाने भन्दै क्वारेन्टाइनबाट निस्किएका थिए।</p>
<p>न्यौपानेले भने, “२०/२५ मिनेटसम्म पनि नआएपछि खोजी गर्दा भेटिएनन्। त्यसपछि केही पर रुखमा झण्डिएको अवस्था शव भेटिएको हो।”</p>
<p>भारतको दिल्लीबाट आएका उनलाई हिजो बिहान ७ बजे क्वारेन्टाइनमा राखिएको थियो।</p>
<p>“नोयडा भन्ने शहरमा काम गर्ने रहेछन्। त्यहाँबाट दिल्ली डेढ महिनाजति आफन्तकोमा बसेका थिए”, वडाध्यक्ष न्यौपानेले भने, “त्यहाँ पनि उनले आत्महत्याको प्रयास गरेको खुलेको छ।”</p>
<p>उनले किन आत्महत्या गरे भन्ने कारण खुलेको छैन। प्रहरीले शवको मुचुल्का उठाएर अस्पताल लैजाने तयारी गरेको छ।</p>
<p>गाउँपालिकाका अनुसार मृतकको थ्रोट स्वाबको नमूना संकलन गरेर परीक्षणका लागि पठाउन लागिएको छ।</p>
<p>प्रहरीले घटनाबारे आवश्यक अनुसन्धान भइरहेको जनाएको छ।</p>
प्रतिक्रिया दिनुहोस्
.jpg)
