हत्या आरोपमा सुनसरीमा दुईजना पक्राउ
<p>इनरुवा। जिल्ला प्रहरी कार्यालय सुनसरीले बराहक्षेत्र-३ बाङ्गेका ३७ वर्षीय कमल राईको हत्या गरेको आरोपमा दुईजनालाई पक्राउ गरेको छ।</p>
<p>पक्राउ पर्नेमा सुनसरी बराहक्षेत्र इक्राहीका २२ वर्षीय गणेश लिम्बू र १९ वर्षीय प्रदीप राजधामी छन्।</p>
<p>दुई दिनअघि सुनसरी बराहक्षेत्र-३ इक्राही जमुना कित्तास्थित प्लटिङ जग्गामा कमल राईको शव फेला परेको थियो।</p>
<p>राईको शरीर र टाउकोमा चोटसहितको शव भेटिएकाले अनुसन्धान गर्दा उनको हत्या भएको प्रहरीले जनाएको छ।</p>
<p>प्रारम्भिक अनुसन्धानको क्रममा हत्यामा संलग्‍न दुईजनालाई पक्राउ गरिएको सुनसरीका प्रहरी नायब उपरीक्षक विनोद शर्माले बताए।</p>
<p>पक्राउ परेका दुवैले पूर्व रिसइबीका कारण योजनाबद्धरूपमा हत्या गरेको प्रहरीले जनाएको छ। <em>रासस</em></p>
प्रतिक्रिया दिनुहोस्
.jpg)
