सात प्रदेशमध्ये सबैभन्दा पछि कोरोना संक्रमण देखिएको कर्णालीमा १०५ जना संक्रमित, एकैदिन ५९ जनामा पुष्टि
<p>काठमाडौं। सात प्रदेशमध्ये सबैभन्दा पछि संक्रमित फेला परेको कर्णाली प्रदेशमा १०५ जनामा कोरोना संक्रमण पुष्‍टि भएको छ।</p>
<p>हिजो यहाँ ५९ जना नयाँ संक्रमित फेला परेका छन्।</p>
<p>सामाजिक विकास मन्त्रालयअन्तर्गतको स्वास्थ्य सेवा महाशाखाले हिजो, १७ जेठमा जारी गरेको विज्ञप्ति अनुसार दैलेख, कालिकोट, बाजुरा, सल्यान र सुर्खेतमा संक्रमित फेला परेका छन्।</p>
<p>कोभिड-१९ पोजिटिभ भेटिएकाहरूमा दैलेखका १५, कालिकोटका १७, बाजुराका एक, सल्यानका २५ र सुर्खेतका एकजना छन्। तीमध्ये सुर्खेतकी एक महिला छिन् भने अरु सबैजना पुरुष छन्।</p>
<p>कर्णाली स्वास्थ्य विज्ञान प्रतिष्‍ठान, जुम्ला र प्रदेश अस्पताल सुर्खेतको पशुपन्छी रोग अन्वेषण प्रयोगशालामा गरिएको थ्रोट स्वाब परीक्षणमा उनीहरूको रिपोर्ट पोजिटिभ देखिएको मन्त्रालयका स्वास्थ्य शिक्षा अधिकृत नवराज कँडेलको हस्ताक्षरमा जारी विज्ञप्तिमा उल्लेख छ।</p>
प्रतिक्रिया दिनुहोस्
.jpg)
