नेपालगञ्ज जाेलाहनपूर्वाका सबै २४ संक्रमित काेराेनामुक्त
<p>बाँके। नेपालगञ्जको कोरोना संक्रमित टोलका रूपमा चिनिएको जोलाहनपूर्वाका संक्रमित सबै कोरोनामुक्त भएका छन्।</p>
<p>नेपालगञ्ज उपमहानगरपालिका-८ स्थित यहाँका संक्रमित सबै २४ जना कोरोनामुक्त भएर घर फर्किएका छन्।</p>
<p>बाँकेको खजुरास्थित कोरोना विशेष आइसोलेसन अस्पतालमा उपचार गराइरहेका ३६ वर्षीय एक पुरुषको दोस्रो रिपोर्ट आज नेगेटिभ आएसँगै जोलाहनपूर्वाका सबैजना निको भई घर फर्किएका छन्।</p>
<p>यसअघि २३ जना निको भएर घर फर्किसकेका छन्। नेपालगञ्ज-७ का पहिलो संक्रमितसहित नेपालगञ्जका २५ जना कोरोनामुक्त भएकाे जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए।</p>
<p>एकैपटक ठूलो संख्यामा टोलवासीलाई कोरोना संक्रमण हुँदा त्रसित हुन पुगेका जोलाहनपूर्वावासीमा सबै निको भएर घर फर्किँदा अहिले खुशीयाली छाएको स्थानीय अगुवा समसुद्दिन सिद्दिकीले बताए।</p>
<p>यहाँ उपचारपछि निको भएर घर फर्किने संख्या २८ पुगेको छ।</p>
<p>दाङको बेलझुण्डीस्थित कोरोना विशेष अस्पताल दाङबाट हिजाे मात्रै तीनजना निको भई घर फर्किएका छन्।</p>
<p>नरैनापुरका आठजनालाई उपचारका लागि दाङ पठाइएकोमा तीन युवा निको भई घर फर्किएको जिल्ला स्वास्थ्य कार्यालयका फोकल पर्सन श्रेष्ठले जानकारी दिए। त्यहाँ नरैनापुरका अन्य पाँचजनाको उपचार भइरहेको छ। रासस</p>
प्रतिक्रिया दिनुहोस्
.jpg)
