कालीकोटमा पहिलो पटक १७ जनामा कोरोना संक्रमण
<p style="text-align: justify;">काठमाडौं। कर्णाली स्वास्थ्य विज्ञान प्रतिष्ठान जुम्लामा गरिएको नमूना परीक्षणमा आज थप १९ जनामा संक्रमण पुष्टि भएको छ।</p>
<p style="text-align: justify;">प्रतिष्ठानका प्रमुख डा. धर्मराज गोसाइँले प्रतिष्ठानको ल्याबमा आज गरिएको नमूना परीक्षणमा १९ वटा पोजिटिभ देखिएको जानकारी दिए।</p>
<p style="text-align: justify;">उनका अनुसार आज संक्रमण पुष्टि भएकामध्ये कालीकोटका १७, दैलेखको दुल्लुका एक र बाजुराका एकजना रहेका छन्।</p>
<p style="text-align: justify;">दैलेखको दुल्लुमा संक्रमण पुष्टि भएका युवकको आज बिहानै मृत्यु भएको थियो।</p>
<p style="text-align: justify;">प्रतिष्ठानका ल्याब इन्चार्ज विवेक पुनले आज ल्याबमा १५९ नमूनाको परीक्षण गरिएको र ती मध्ये १९ वटा केस कोभिड–१९ पोजिटिभ पुष्टि भएको बताए।</p>
<p style="text-align: justify;">कर्णाली प्रदेशको कालीकोटमा पहिलोचोटी संक्रमित पुष्टि भएका हुन्। सबै भारतबाट आएर क्वारेन्टाइनमा बसेकाहरू हुन्।</p>
.jpg)
