नेपालमा कोरोना संक्रमणबाट मृत्यु हुने संख्या सात पुग्यो
<p>काठमाडौं। दैलेखको दुल्ली नगरपालिकाको क्वारेन्टाइनमा मृत्यु भएका युवकमा कोरोना संक्रमण पुष्टि भएको छ।</p>
<p>कर्णाली प्रदेश सामाजिक विकास मन्त्रालयको स्वास्थ्य सेवा महाशाखाका प्रमुख डा. लक्ष्मीनारायण तिवारीले मृतक युवकको कोरोना परीक्षण पोजिटिभ देखिएको पुष्टि गरे।</p>
<p>कर्णाली स्वास्थ्य विज्ञा प्रतिष्ठान जुम्लामा गरिएको नमूना परीक्षणमा रिपोर्ट पोजिटिभ आएको हो। भारतको गुजरातबाट आएर दुल्लु नगरपालिका वडा नम्बर ७ स्थित नेपाल विद्युत् प्राधिकरणको भवनमा बनाइएको क्वारेन्टाइनमा रहेका युवकको आज बिहान मृत्यु भएको थियो।</p>
<p>दुल्लु नगरपालिका ११ का ३५ वर्षीय ती युवक आज बिहान बेहोश भएर ढले लगत्तै मृत्यु भएको हो। १० दिन देखि क्वारेन्टाइनमा रहेका उनकाे १५ जेठमा स्वाबकाे नमूना संकलन गरिएको थियो।</p>
<p>यो सहित नेपालमा कोरोना संक्रमणबाट मृत्यु हुनेको संख्या ७ पुगेको छ। सातमध्ये ६ जनामा मृत्युपछि काेराेना स‌ंक्रमण पुष्टि भएकाे हाे।</p>
प्रतिक्रिया दिनुहोस्
.jpg)
