नेपालमा कोरोना संक्रमितको संख्या १ हजार ४०१ पुग्यो
<p>काठमाडौं। नेपालमा पछिल्लो २४ घण्टामा १८९ जना कोरोना भाइरस संक्रमित थपिएका छन्।</p>
<p>विभिन्न प्रयोगशालाहरूमा गरिएको नमूना परीक्षणमा १८९ जना संक्रमित थपिएको स्वास्थ्य मन्त्रालयले जनाएको छ।</p>
<p>योसँगै नेपालमा कोरोना संक्रमितको संख्या एक हजार ४०१ पुगेको छ। </p>
<p>स्वास्थ्य तथा जनसंख्या मन्त्रालयका अनुसार राष्ट्रिय जनस्वास्थ्य कार्यालय टेकुमा गरिएको परीक्षणमा कपिलवस्तुका ७७, सर्लाहीका १७, सिरहाका ११, धनुषाका ७, महोत्तरीका ४, रौतहटका ६, झापाका र ललितपुरका एक/एक जनामा संक्रमण पुष्टि भएको हो। </p>
<p>त्यस्तै, प्रदेश जनस्वास्थ्य प्रयोगशाला भैरहवामा गरिएको परीक्षणमा कपिलवस्तुका २६ जना, वीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा सप्तरीका ९ जनामा संक्रमण पुष्टि भएको छ।</p>
<p>राप्ती स्वास्थ्य विज्ञान प्रतिष्ठानमा गरिएको परीक्षणमा कपिलवस्तुका ३, दाङका ५ जनामा संक्रमण पुष्टि भएको मन्त्रालयका प्रवक्ता डा. विकास देवकोटाले बताए। </p>
<p>नारायणी प्रादेशिक अस्पतालमा गरिएको परीक्षणमा बाराका १ र पर्साका २ जनामा संक्रमण देखिएको छ।</p>
<p>त्यस्तै, कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा दैलेखका १४ र कोशी अस्पतालमा गरिएको परीक्षणमा संखुवासभाका २ जनामा संक्रमण पुष्टि भएको हो।</p>
प्रतिक्रिया दिनुहोस्
.jpg)
